Հունաստանում Հայաստանի դեսպանության արձագանքը Հունական Մեհմանա գյուղի վերաբերյալ ադրբեջանական պնդումներին

09 հուլիսի, 2022

Հունաստանում Հայաստանի դեսպանությունը հունական https://greekcitytimes.com/ կայքում տեղադրված հոդվածում արձագանքելով հուլիսի 5-ին Ադրբեջանի CBC TV կողմից հեռարձակված և Հունաստանի Հանրապետությունում Ադրբեջանի Հանրապետության դեսպանատան կողմից հունարեն լեզվով տարածված Արցախի Մեհմանա գյուղի և նրա պատմամշակութային ժառանգության վերաբերյալ զեկույցին՝ այն որակել է ոչ այլ ինչ, քան հայատյացության ադրբեջանական սովորական քաղաքականություն և այդ քաղաքականությունը այլ երկրներ «արտահանելու» անհաջող փորձ։

Արցախի Մարտակերտի շրջանի Մեհմանա գյուղը հիմնադրվել է չորս հույն հանքագործների կողմից (որոնք, ըստ իրենց ժառանգների, եղել են պոնտացի հույներ և ցեղասպանությունը վերապրածներ), և մինչ արդբեջանցիների ներխուժումը, այստեղ կողք կողքի ապրում էին հույներ և հայեր, ինչպես նաև շատ էին խառը՝ հայ-հունական ընտանիքներ։

Այսօր Ադրբեջանի քաղաքականության նպատակն է վերացնել հայկական բոլոր հետքերը Ադրբեջանի վերահսկողության տակ անցած տարածքներում և վերափոխել պատմամշակութային հուշարձանները:

2022 թվականի մարտին Եվրախորհրդարանը ընդունել է «Լեռնային Ղարաբաղում մշակութային ժառանգության ոչնչացման վերաբերյալ» (2022/2582 (RSP)) բանաձևը։

Հոդվածին ծանոթանալու համար կարող եք հետևել հետևյալ հղումին.

https://greekcitytimes.com/2022/07/10/199616/?amp&fbclid=IwAR1EuX-7xxtbATBYJEElGDK07oE-EnavRMF2u5bIAeUb26n1FfZxmwrbpxI

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր